Хөгжлийн шийдэл ТББ-аас санаачлан хувиараа бизнес эрхлэгч, ААН-тэй боловч тайлагнадаггүй/Х тайлантай ААН-үүд, бизнес эрхлэх сонирхолтой иргэдэд бизнесээ албажуулахын үр ашиг, давуу талууд, харилцах төрийн байгууллагууд, бүрдүүлэх материалууд, үе шат, албажуулах үйл явцад тулгарах бэрхшээлийг хэрхэн шийдвэрлэх, бизнесээ албан ёсоор эрхлэхэд хүчин төгөлдөр мөрдөгдөж буй хууль тогтоомжийн ойлголтыг дээшлүүлэх зорилгын хүрээнд 2025 оны 09 сарын 04-ний өдөр “БИЗНЕСЭЭ АЛБАН ЁСООР ЭРХЭЛЬЕ СУРГАЛТ” сэдэвт сургалтыг зохион байгууллаа.Тус сургалтад Чингэлтэй дүүргийн Хайлааст дахь нийгмийн даатгалын хэлтсийн дарга З.Мөнхнаран зочин илтгэгчээр оролцож, Нийгмийн даатгалын тухай хуулийн шинэчлэл, хэрхэн нийгмийн даатгал төлөгч байгууллага болох , ажил олгогчийн эрх, үүрэг, НДШ-ийн хувь хэмжээ, тэтгэвэр, тэтгэмж болон ажил олгогчид олгож буй хуулийн бусад боломж, заалт сэдвээр сургалт орж, иргэн, хуулийн этгээд, бизнес эрхлэгчдийн сонирхсон асуултад мэдээлэл өгч ажиллалаа. 
