ГАМШГААС ХАМГААЛАХ БЭЛЭН БАЙДЛЫН ҮЗЛЭГ

Нийслэлийн Засаг даргын 2025 оны Гамшгаас хамгаалах “Команд штаб”-ын сургууль, бэлдэх байдлын үзлэг зохион байгуулах тухай А/66 дугаар захирамж, дүүргийн Засаг даргын 2025 оны “Гамшгаас хамгаалах бэлэн байдлын үзлэг зохион байгуулах тухай” А/134 дүгээр захирамжийн дагуу Чингэлтэй дүүргийн хэмжээнд үйл ажиллагаа явуулдаг төрийн болон хувийн хэвшлийн 100 байгууллагад энэ сарын 20-ны өдрөөс 30-ны өдрийн хооронд НОБГ-ын ажлын хэсэг, Чингэлтэй дүүргийн Онцгой байдлын хэлтсийн ажлын хэсгийн бүрэлдэхүүн 900 гаруй томилгоот бүрэлдэхүүний бэлэн байдлыг шалган, зааварлаж өнөөдөр хаалтын арга хэмжээг дүүргийн 19 дүгээр хороо Хайрхан хөгжлийн төвийн талбайд зохион байгууллаа.

Хаалтын арга хэмжээнд дүүргийн иргэдийн Төлөөлөгчдийн хурлын дарга Т.Уламбаяр, НОБГ-ын дэд дарга, дэд хурандаа Э.Батбаяр, Засаг даргын орлогч З.Бямбажав, Онцгой байдлын хэлтсийн дарга, хурандаа Б.Батбилэг болон Чингэлтэй дүүргийн Онцгой комиссын гишүүд оролцлоо.

Чингэлтэй дүүргийн Нийгмийн даатгалын газар бэлэн байдлын үзлэгийг томилгоот бүрэлдэхүүний гамшиг, ослоос урьдчилан сэргийлэх, бэлтгэл бэлэн байдлаа хангах чадавх нэмэгдлээ.

Гамшгаас хамгаалах бэлэн байдлын үзлэг нь Гамшгаас хамгаалах тухай хууль, Галын аюулгүй байдлын тухай хууль, Гамшгаас хамгаалах талаар төрөөс баримтлах бодлог болон бусад хууль тогтоомж, эрх зүйн баримт бичгийн хэрэгжилтийг хангуулах, болзошгүй гамшгийн үед гамшгаас хамгаалах, томилгоот бүрэлдэхүүний бэлтгэл, бэлэн байдлыг сайжруулах, үүрэг гүйцэтгэх чадавхыг нэмэгдүүлэхэд өндөр ач холбогдолтой юм.