Нийгмийн даатгалын багц хууль, Зөрчлийн тухай хуулийн хэрэгжилт, түүнд орсон нэмэлт өөрчлөлтүүд, журам заавар, цахим үйлчилгээний талаар аж ахуйн нэгж байгууллага, ажил олгогчдод сурталчлан таниулах, шимтгэл төлөлтийн тайланг үнэн зөв хугацаанд нь гаргах талаар мэдээлэл өгөх мөн Нийгмийн даатгалын ерөнхий газраас шимтгэл төлөгч аж ахуйн нэгж, байгууллагын тогтвортой үйл ажиллагааг дэмжих, даатгуулагчдад тэтгэвэр, тэтгэмж тогтоож олгоход хамран ажиллах зорилго бүхий “Итгэлцлийн аян”-ийг 2025 оны 9 дүгээр сарын 15-ний өдрөөс 10 дугаар сарын 15-ний хооронд, нэг сарын хугацаанд улс орон даяар зохион байгуулж байна.
Чингэлтэй дүүргийн Нийгмийн даатгалын газраас шимтгэл төлөгч аж ахуйн нэгж, байгууллагын тогтвортой үйл ажиллагааг дэмжих, даатгуулагчдад тэтгэвэр, тэтгэмж тогтоож олгох үйл ажиллагаанд хамтран ажиллах зорилгоор Ажил олгогчдын зөвлөгөөн 2025 оны 09 дүгээр сарын 29-ний өдөр 15:00-17.00 цагт Монголын худалдаа аж үйлдвэрийн танхимын хурлын зааланд зохион байгуулагдана